Ben Pettitt-Wade

Meet Ben...Rheolwr Artistig a Chyfarwyddwr Gŵyl Undod
029 2063 5627
ben.pettitt-wade@hijinx.org.uk

Ganed Ben yn Llundain (o fewn clyw i glychau eglwys Bow), a'i fagu yn Sir Gaerfyrddin (i gyfeiliant clychau gwartheg). Hyfforddodd mewn Drama ym Mhrifysgol John Moores Lerpwl cyn mynd ymlaen i weithio fel actor. Ar ôl torri ei bigwrn yn un o'r ymarferion, cafodd Ben ei orfodi i gael swydd “go iawn” ar ôl iddo sylweddoli na fyddai bod ar y dôl yn ddigon i ariannu ei ffordd foethus o fyw. Ymunodd â chwmni theatr Spare Tyre yn Llundain fel Gweinyddwr gyda chyfrifoldeb dros gydlynu inc.Theatre, sef cwrs hyfforddiant i actorion ag anableddau dysgu. Dyma lle sylweddolodd Ben ei hoffter o weithio'n gynhwysol ac yn benodol ei hoffter o weithio gyda pherfformwyr drama ag anableddau dysgu. Ers hynny, mae ganddo dros ddeng mlynedd o brofiad o weithio yn y maes, yma yng Nghaerdydd gyda ni, yn Llundain gyda Spare Tyre ac ar gyfnod sabothol gyda Danza Mobile yn Sevilla - gyda chyfnodau fel cogydd yn Ffrainc a Gwlad Groeg, ac fel athro Saesneg yng Ngwlad Pwyl.

Mae Ben yn gyfrifol am Academi Hijinx, ein Podiau Hijinx, ein prosiectau cymunedol, ein darnau theatr fforwm, a Gŵyl Undod.

Newyddion Diweddaraf
Mission Control yn glanio yn nhirnod mwyaf eiconig Cymru

Mae'r tocynnau bellach ar werth ar gyfer Mission Control gan National Theatre Wales a Gŵyl Undod Hijinx - cynhyrchiad newydd sbon i'w lwyfannu yng nghalon prifddinas Cymru, yn un o dirnodau mwyaf adnabyddus Cymru, Stadiwm y Principality.

Darllen rhagor
Hijinx yn cyhoeddi Prif Swyddog Gweithredol newydd

Mae Hijinx, cwmni theatr gynhwysol sydd â’i bencadlys yng Nghaerdydd, wedi cyhoeddi enw ei Brif Swyddog Gweithredol newydd heddiw. O fis Hydref, Sarah Horner, sydd ar hyn o bryd yn Bennaeth Marchnata a Chyfathrebu gyda Cherddorfa Genedlaethol Gymreig y BBC, fydd wrth y llyw yn Hijinx.

Darllen rhagor
‘Meet Fred’, y Sioe arobryn ac enillydd gwobrau lu, yn dychwelyd i Gaerdydd

Cyfle prin i weld ‘Meet Fred’, sioe pum seren Hijinx, yn y DU - 26 - 28 Medi 2019.

Darllen rhagor