Dan McGowan

Cydlynydd yr Academi
029 2063 5622
dan.mcgowan@hijinx.org.uk

Ganed Dan ar arfordir de Lloegr. Symudodd o gwmpas gryn dipyn, cyrhaeddodd Gymru pan oedd yn 13 oed a thyfu i fyny yma cyn mynd i Durham i astudio Ffrangeg a threulio blwyddyn yn Ffrainc yn bwyta pains au raisins. Symudodd i Lundain i fod yn actor/ysgrifennydd/cerddor/cyfarwyddwr gan fynd ar deithiau cenedlaethol a rhyngwladol, heb ddefnyddio'i Ffrangeg o gwbl heblaw ar ei wyliau, cyn cael yr awydd i symud yn ôl i Gaerdydd lle mae erbyn hyn yn hapus iawn yn gweithio i Hijinx.

Cyn gweithio i Hijinx, cafodd Dan lawer o brofiad o weithio yn y celfyddydau cynhwysol drwy sawl blwyddyn o weithio yn Llundain gyda'r Graeae Theatre Company ac yn fwy diweddar, Filmpro. Mae ei waith fel actor a cherddor yn cynnwys gwaith clodwiw Graeae Reasons to be Cheerful (lle ymddangosodd Dan yn Seremoni Agoriadol Gemau Paralympaidd 2012) a pherfformiad llwyddiannus arall y llynedd o Our House, y sioe gerdd sy'n seiliedig ar ganeuon Madness.

Mae Dan wir wedi mwynhau buddsoddi ei egni yn Academi Hijinx lle mae ei waith yn cynnwys rhedeg pethau o ddydd i ddydd a chreu cysylltiadau ledled Cymru er mwyn agor academïau mewn rhannau eraill o'r wlad.

Newyddion Diweddaraf
Dilynwch friwsion bara Hansel i Ganolfan Mileniwm Cymru!

Y Nadolig hwn, ymunwch ag Odyssey, grŵp theatr gymunedol Hijinx, wrth iddyn nhw ddilyn Hansel a Gedeon ar eu hantur trwy Goedwig Grimm.

Darllen rhagor
Y diwydiant sgrin yn croesawu argymhellion ar gyfer safonau newydd gyda golwg ar gastio actorion niwroamrywiol wrth i Hijinx dargedu’r Oscar erbyn 2030

Cynigiwyd a chefnogwyd saith o ganllawiau newydd ar gastio actorion ag anableddau dysgu ac anableddau datblygiadol ar gyfer ffilm a theledu mewn cynyrchiadau ledled y byd gan uwch gynrychiolwyr y diwydiant sgrin a gwleidyddion yng Nghymru heddiw.

Darllen rhagor
Theatr Hijinx ym Maes Awyr Caerdydd diolch i ganfed buddsoddiad Celfyddydau & Busnes Cymru

Mae menter a fydd yn gweld staff ym Maes Awyr Caerdydd yn cael eu hyfforddi gan actorion sydd ag anableddau dysgu er mwyn datblygu eu sgiliau cyfathrebu yw'r canfed prosiect i elwa o chwistrelliad o arian gan raglen CultureStep Celfyddydau & Busnes (C&B) Cymru.

Darllen rhagor