Hijinx yn ennill Gwobr Celfyddydau Hospital Innovations 2016 Arts & Business Cymru

Mae Hijinx yn ymhyfrydu yn y ffaith ei fod wedi ennill Gwobr glodfawr Celfyddydau Hospital Innovations a ddyfarnwyd i’r cwmni yn seremoni wobrwyo Arts & Business Cymru 2016 a gynhaliwyd ar ddydd Sadwrn 14eg Mai yng Nghanolfan Mileniwm Cymru.

Mae’r wobr ariannol o £2,500 yn cydnabod y sefydliad neu’r artist celfyddydol sydd wedi gweithio’n fwyaf creadigol mewn partneriaeth â byd busnes i gynnal a datblygu gweithgareddau ac fe’i dyfarnwyd am y gwaith arloesol a wneir gan y cwmni mewn partneriaeth â Western Power Distribution.

Bu Hijinx yn gweithio gyda Western Power Distribution ers y flwyddyn 2002. Mae’r bartneriaeth hon bellach yn mynd i’r afael â hyfforddiant WPD a’i nodau wrth ymgysylltu â’r gymuned, gydag actorion o Academïau Hijinx yn arfer eu sgiliau chwarae rôl er mwyn rhoi i staff WPD well dealltwriaeth o’r heriau a’r rhwystrau sy’n wynebu rhai cwsmeriaid. Fel enillwyr y wobr, cafodd y bartneriaeth y nifer mwyaf o bleidleisiau gan y beirniaid o’r holl enwebiadau yn 2016. Roedd y beirniaid yn gytûn bod hon ‘yn ffordd ragorol o hyfforddi staff busnes a’i bod ar yr un pryd yn rhoi cyfleoedd gwerthfawr i actorion Hijinx’.

Dywedodd Clare Williams, Prif Weithredwr, Hijinx: Rydym wrth ein bodd o dderbyn y wobr hon sy’n cydnabod y gwaith hanfodol bwysig r’ym ni’n ei wneud i ddod o hyd i gyfleoedd gwaith proffesiynol i actorion sydd ag anableddau dysgu.

Yn ogystal â hyfforddi staff canolfan alw i ddeall anghenion cwsmeriaid sydd ag anableddau dysgu a chwsmeriaid bregus yn well, mae’r bartneriaeth yn rhoi profiad proffesiynol i actorion Academi Hijinx sy’n datblygu eu sgiliau ymhellach. Mae Hijinx, yn ogystal â gweithio yng Nghymru, wedi ymestyn yn ddiweddar i rannau eraill o’r DU a gwelwyd y cwmni yn cyflwyno cwrs hyfforddi 3 diwrnod i staff WPD yn swydd Derby.

Roedd Western Power Distribution hefyd yn enillwyr unfrydol y wobr Arts, Business & Employees yn sgil y bartneriaeth lwyddiannus hon, i gydnabod integreiddio’r celfyddydau i faes datblygu gweithwyr, gan ysgogi ar yr un pryd amgylchfyd gwaith mwy creadigol. Roedd panel y beirniaid yn gytûn bod ‘hon yn bartneriaeth cwbl eithriadol ac yn enillydd pendant yn y categori hwn’.

Newyddion Diweddaraf
Theatr Hijinx ym Maes Awyr Caerdydd diolch i ganfed buddsoddiad Celfyddydau & Busnes Cymru

Mae menter a fydd yn gweld staff ym Maes Awyr Caerdydd yn cael eu hyfforddi gan actorion sydd ag anableddau dysgu er mwyn datblygu eu sgiliau cyfathrebu yw'r canfed prosiect i elwa o chwistrelliad o arian gan raglen CultureStep Celfyddydau & Busnes (C&B) Cymru.

Darllen rhagor
Llwyddiant elusen theatr Cymraeg gydag arloesi prosiect anabledd dysgu yn Lesotho

Cymerodd y cwmni theatr Hijinx, grŵp o actorion a staff anabl dysgu ar daith ar hyd Lesotho rhwng y 10-25 Chwefror, gyda phrosiect perfformiad o'r enw Able to Act.

Darllen rhagor
Elusen theatr Gymreig yn lansio prosiect anableddau dysgu arloesol yn Lesotho

Mae'r cwmni theatre Hijinx yn cymryd grŵp o actorion a staff dysgu i fynd ar daith yng nghefn gwlad Lesotho rhwng 10 a 25 Chwefror, mewn prosiect perfformio arloesol o'r enw Able to Act.

Darllen rhagor