Odyssey

Mae Odyssey yn grŵp theatr cymunedol cynhwysol ar gyfer oedolion sydd ag anableddau dysgu ac actorion heb anabledd sy'n rhannu'r un cariad tuag at berfformio.

Mae 30 o aelodau craidd y grŵp yn cwrdd yn wythnosol i weithio ar sgiliau perfformio, sy'n arwain at gynhyrchiad Nadolig blynyddol sy'n cael ei gynnal yn Stiwdio Weston yng Nghanolfan Mileniwm Cymru. Gweler rhagor o wybodaeth am ein sioe ddiweddaraf, Hansel, Gedeon and the Grimms' Wood.

Mae Odyssey wedi dod yn rhan bwysig o hyfforddiant ar gyfer actorion talentog sydd ag anableddau dysgu. Mae tri aelod wedi mynd ymlaen i berfformio'n broffesiynol yn ein cynyrchiadau teithiol ac mae sawl aelod arall wedi mynd ymlaen i fod yn actorion cyflogedig yn ein darnau Theatr Fforwm ac fel cynorthwywyr gweithdai ar ein prosiectau Allgymorth. Mae aelodau o Odyssey hefyd yn cael cyfle i weithio gydag artistiaid cenedlaethol a rhyngwladol i greu perfformiadau ar gyfer Gŵyl Undod.

Dysgwch Ragor

Os oes gyda chi ddiddordeb mewn cael rhagor o wybodaeth am ymuno ag Odyssey, cwblhewch y ffurflen yma a'i hanfon yn ôl aton ni.

 

Newyddion Diweddaraf
Hijinx yn Cyflwyno ei Ŵyl Ar-lein Gyntaf

Heddiw, rydyn ni wedi lansio ei ŵyl ar-lein gyntaf, sef Hijinx Online/ Ar-lein [24 Ebrill – 22 Mai] – gŵyl theatr a ffilm rhad ac am ddim.

Darllen rhagor
Diweddariad gan Hijinx

Wedi i ni atal ein gweithgareddau nos Lun diwethaf, rydym wedi treulio’r rhai diwrnodau diwethaf yn derbyn na fyddwn yn gweld ein hactorion, cyfranogwyr a’n tîm o weithwyr llawrydd a chraidd gwych pob wythnos. Mae wedi bod yn dipyn o newid byd, ond y penderfyniad cywir i gadw pawb yn saff ac yn iach. 

Darllen rhagor
Diweddariad COVID-19

Iechyd, diogelwch a lles ein staff a’n cyfranogwyr yw ein prif flaenoriaeth ar bob amser, ac yn sgil y canllawiau diweddaraf gan y llywodraeth, rydym wedi penderfynu cau ein holl weithgareddau.

Darllen rhagor